धाराशिव जिल्हातील पोलीस दलात वार्षीक तपासणी दरम्यान विविध शाखेचे मा. विशेष पोलीस महानिरीक्षक श्री. वीरेंद्र मिश्र यांच्या हस्ते उदघाटन
आज दि 27/03/2025 रोजी धाराशिव शहर पोलीस ठाणेच्या कामकाजाची पाहणी करुन पोलीस स्टेशन परिसरातील ऑक्सीजन पार्कचे उदघाटन करुन वृक्षारोपन केले. धाराशिव शहर पोलीस ठाणे येथील बांधकामाचे नुतनीकरण करुन वाचनालयाची उभारणी करण्यात आली असुन मा.श्री. वीरेंद्र मिश्र, विशेष पोलीस महानिरीक्षक, छत्रपती संभाजीनगर, परिक्ष्ेत्र छत्रपती संभाजीनगर यांचे हस्ते उदघाटन करण्यात आले. . पोलीस ठाणे धाराशिव शहरला ISO 9001 चा दर्जा प्राप्त झाला त्या बद्दल मा विशेष पोलीस महानिरीक्षक,छत्रपती संभाजीनगर यांनी प्रमाण पत्र प्रदान करुन गौरव केला. तसेच वाहतुक नियंत्रण शाखा, धाराशिव चे कार्यालय हे धाराशिव शहर पोलीस ठाण्याचे परिसरात जुन्या कार्यालयात कार्यरत होते त्यानंतर जिल्हा वाहतुक शाखा नियत्रंण शाखा, धाराशिव चे कार्यालय हे जुने झाल्याने उपविभागीय पोलीस अधिकारी कार्यालय धाराशिव चे बाजूला पोलीस पेट्रोलपंपा शेजारी हलविण्यात आले होते. आज रोजी जिल्हा वाहतुक शाखा धाराशिव चे उदघाटन मा विशेष पोलीस महानिरीक्षक छत्रपती संभाजीनगर यांचे हस्ते करण्यात आले मा विशेष पोलीस महानिरीक्षक, छत्रपती संभाजीनगर यांनी मोटर परिवाहन शाखेच्या कामाकाजाची पाहणी करुन आढावा घेतला. पोलीस मुख्यालयात संकल्प बहुउद्देशीय सभागृहाचे उदघाटन मा विशेष पोलीस महानिरीक्षक,छत्रपती संभाजीनगर यांचे हस्ते करण्यात आले संकल्प बहुउद्देशीय सभागृह पोलीसांचे विविध कार्यक्रमा करीता खुला करण्यात आले आहे. सदर वेळी मा. पोलीस अधीक्षक, श्री. संजय जाधव, मात्रअपर पोलीस अधीक्षक, श्रीमती शफकत आमना, मा. विशेष पोलीस महानिरीक्षक,छत्रपती संभाजीनगर यांचे वाचक श्री भोये, वाहतुक शाखेचे सपोनि श्री. बेंद्रे वाहतुक शाखा धाराशिव व इतर अधिकारी व अंमलदार उपस्थित होते.